感恩

這幾日，工作都很忙。放Lunch，同事問要唔要一起吃午飯，我話下次啦，有啲緊急事情要處理。只能簡簡單單地吃件餅乾，飲杯咖啡，咁就搞點一餐。搞完一大輪野，一睇錶已經3點啦。

返個位坐低，見到枱面放咗一盒飯和一罐可樂。原來同事驚我冇吃飯，專登買我鍾意食嘅雞髀飯俾我。我認識呢位同事15年了，在舊公司時，大家不同部門，不太熟，只是點頭之交，沒有真正一起工作過。後來，他轉了另一間公司，而我又轉了同一間公司，咁好快，我地就越嚟越熟，真係無所不談，家庭、健康、資產增值和配置、創業等。只要一坐低，一定大把野講。 多謝呢位知己朋友，會掂掛著我。

另外，昨天放工去咗一位大學同學家打邊爐，難得見到好多舊同學，有些真的10年都冇見過，大家都成家立室啦，一轉眼就相識了20年。大家講下香港、工作、家庭、興趣，好快就過咗5個鐘！嘩！最大嘅驚喜係大家竟然記得我生日，仲準備咗個蛋糕。真係，朋友，我當你地一世朋友。

感恩有個好太太，每天要照顧小朋友，24/7嘅工作模式，不是每個人都頂得順，媽媽真係好偉大！孩子們知道我喜歡習郵，所以用零用錢去買咗一套阿波羅太空船升空紀念郵票，細仔又做咗份手工，送俾我做生日禮物。多謝你老婆，俾咗個家庭俾我，我會好好愛護你們。

感恩爸媽身體健康、哥哥事業有成，生活美滿。每個星期，我都一定要見一見他們，吃個飯，傾下偈。

人開心其實好簡單，唔使吓吓中頭獎，買中騰訊嘅。珍惜身邊愛你的人，就是人生最大的幸福。